بسمہ تعالیٰ

غزہ کے مقتل سے اجتماعی اخلاق کی روشن کرنیں !

         از:  ناظم الدین فاروقی

NPA  DOC No : 0169

Dated: 29-10-2023

اقوام متحدہ کی جانب سے اسرائیل ‘ حماس جنگ بندی قرارداد منظور کرنے کے باوجود  اسرائیل اور امریکہ  اس بات پر مصر ہیں کہ حماس کے خاتمے کے نام پر غزہ کا ہی صفایا کردیا جائے۔ ابھی بھی اسرائیلی افواج جس کی کمانڈ امریکی جنرل نے سنبھالی ہے ۔ مسجد اقصیٰ میں نمازوں پر پابندی عائد کردی گئی ہے ۔ جمعہ کی نماز کی بھی اجازت نہیں دی گئی ۔ جب اسرائیلیوں کو کھلے مسجد کے احاطے میں جمع ہونے کی اجازت دے دی گئی ہے ‘ اس سے مسلمانانِ عالم میں مزید تشویش  کی لہر دوڑ گئی ۔

بار بار غزہ کے اندر کئی کیلو میٹر  تک گھس کر زمینی حملے کئے جارہے ہیں ۔ قطر اور ترکی اپنی ثالثی کی سفارتی  حتی المقدور  کوشش میں جٹ گئے ہیں ۔ انٹرنٹ ‘ فون سرویس سب کچھ غزہ کا منقطع  کردیا گیا ہے ‘ اسی دوران القسام بریگیڈ  نے پھر سے اسرائیل کے مختلف شہروں پر ڈرون حملوں کو تیز کردیا جس سے اسرائیل کا کئی سو بلین کا نقصان ہورہا ہے ۔ اسرائیل چاہتا ہے کہ جنگ کو طوالت  دے کر القسام بریگیڈ  کے پاس موجود تمام اسلحہ کو بروئے کار لا کر جمع شدہ اسلحہ کا اسٹاک ختم کروادیں اور پھر چند کیمیکل بمس کے ذریعہ قیامت  برپأ کردی جائے اور خالی شدہ شہر کو بآسانی قبضہ میں لے لیں ۔ جب سیول سپلائیز  کی اجازت مانگی جارہی ہے تو اسرائیل کا کہنا ہے کہ غزہ میں ایندھن ‘ غذا ‘ پانی بہت کچھ ہے وہ ختم نہیں ہوا۔ جمعہ کی رات سے اسرائیل نے بلا کسی تحقیق کے غزہ کے تمام ہی علاقوں پر بے تحاشہ بمباری شروع کردی ہے ۔ ایسا لگتا ہے کہ ساری دنیا کہ تمام بین الاقوامی پلیٹ فارمس  اور ادارے مکمل طور پر اسرائیل و امریکہ کو جنگ بندی کے لئے راضی کروانے میں ناکام نظر آتے ہیں ۔

اکنامسٹ لندن نے اپنے 27؍ اکٹوبر 23 کے شمارے میں Lexington نے لکھا کہ جو بائیڈن  کے لئے اسرائیل کی حمایت سخت ترین امتحان سے گزر رہی ہے ‘جو بائیڈن نے رمضان مئی ؍2021 میں غزہ و اسرائیل کی جنگ میں کوئی خاص دلچسپی نہیں دکھائی تھی جس کا خمیازہ اب انھیں  اسرائیل کی اندھی تائید کی  شکل میں پیش کرنا پڑرہا ہے۔معصوم عوام کے قتل عام کا لائسنس  اسرائیل کو دے دیا گیا ہے ‘کیمیکل ہتھیار کے استعمال کا یہ تجربہ پہلے ہی شام کے حلب و حمأAlepo جیسے علاقوں میں کیا جاچکا ہے ۔ اس وقت بھی دنیا خاموش تماشائی بنی دیکھتی رہی ۔ اب اگر غزہ میں  ان کیمیکل ہتھیاروں کا استعمال ہوگا تو بھی اس بات کا قوی امکان ہے کہ دو‘ تین دن میڈیا  میں ہنگامہ کے بعد سب کچھ اضطراب  آمیز سکون میں بدل جائے گا  اور پھر ایک مرتبہ فلسطین و بیت المقدس کی آزادی کا مسئلہ سرد خانے میں ڈال دیا جائے گا۔

امریکہ اور اسرائیل فلسطین کی آزادی کے مسئلہ کو پڑوسی عرب ممالک کے ترقیاتی پروجکٹ  کا بڑے پیمانے پر پروپگنڈہ کرتے ہوئے  معصوم نہتے  فلسطینیوں کی نسل کشی کو حق بجانب قرار دیتے ہوئے مظلوم و معتوب فلسطینی عوام کی آواز کو کچلنا چاہتے ہیں ۔ جس طرح روینڈا ‘ بوسنیا ‘ عراق ‘ افغانستان ‘ شام ‘ یمن ‘ لیبیا میں بے گناہ معصوم اقوام کے مسلسل قتل عام کا کوئی جواز نہیں تھا ٹھیک اسی طرح آج غزہ میں بھی نسل کشی  در نسل کشی کا وقفے وقفے سے چکرا چلایا  جارہا ہے ۔ 1994 میں یاسرعرفات اور  وزیر آعظم اسرائیل اسحق راہن‘ بل کلنٹن کے درمیاں ہونے والے اوسلو معاہدے کے بعد سے اب تک 30 سال  کا عرصہ گزر گیا ۔ اس دوران کوئی رات اور دن ایسا نہیں گزرا جس میں فلسطینیوں کی گرفتاری ‘ قتل یا ان کے مکانات اور علاقوں سے  انھیں بے دخل نہیں کیا گیا ہو ۔ گزشتہ 21 دنوں میں  سے مغربی پٹی میں فلسطینیوں  کے گھروں  کو شعلہ پوش کرتے ہوئے ‘ مستوطنین  Settlers  و پولیس  کے حملوں میں 100 سے زیادہ فلسطینی شہید ہوچکے ہیں ۔

بڑی طاقتوں کی ظلم و بربریت پر دنیا دو حصوں میں تقسیم ہوچکی ہے ۔ ایک حصہ ظالم کے تائید اور ہاتھ مضبوط کرنے میں لگا ہوا ہے دوسرامظلومین کی آواز بن کر امریکہ و اسرائیل کے بربریت کی شدید مذمت و مخالفت کر رہا ہے ۔ امریکہ کی انسانی ہمدردی اور انسانی حقوق کے قواعد و قانونی  تشریحات  دنیا سے بالکل مختلف ہے ۔

سیکوریٹی کونسل  میں روس اور چین کے ویٹو  کرنے کے باوجود امریکہ و اسرائیل  جنگ حسب معمول جاری رکھے ہوئے ہیں اوروقتی طور پر جنگ بندی کا معاملہ طوالت  میں پڑ گیا ہے۔ اقوام متحدہ میں 120 ممالک نے جنگ بندی کی قرارداد منظور کی لیکن اسرائیل و امریکہ اسے تسلیم کرنے سے انکار کردیا۔مسلم ممالک کا آپسی عدم اتفاق عربوں کی مایوس کن سرد مہری میں صرف مٹھی بھر مسلم ممالک ڈٹ کر حماس کی تائید میں کھڑے ہیں۔

Miko Peled ایک مشہور انسانی حقوق کے جہد کار اور نامور یہودی مصنف ہیں ‘ ان کے والد اسرائیلی فوجی جنرل تھے ۔  یہودیوں کے مظالم پر دو اہم کتابیں Injustice  اور  General’s Son   تصنیف کی ہیں  ۔ انھوں نے میڈیا میں بیان دیتے ہوئے  کہا کہ اسرائیلی فوج دنیا کی بہترین تربیت یافتہ عصری ٹکنالوجی سے لیس اسلحہ کے ساتھ انتہا ئی منظم دہشت  گرد ریجمنٹ ہے ۔ ان کا مقصد و نصب العین سوائے دہشت گردی کے سوائے اور کچھ بھی نہیں ہے ‘ مسٹرمیکو نے  مثال  دیتے ہوئے کہا کہ 2008 کی 21 دن کی جنگ کے پہلے دن صبح ٹھیک 11 بجے دن جب کہ اسکول کی پہلی شفٹ ختم ہو کر 12 بجے دوسری  شفٹ شروع ہوئی تھی اسرائیل نے کارپیٹ بمبنگ  کرتے ہوئے 100 ٹن بم برسادیئے ‘ دوسرے عوام کے ساتھ ان کا سلوک اس طرح کا وحشیانہ ہوتا ہے کہ وہ  اپنے لبرزم  کا مکھوٹہ  پہنے ہوئے ہیں ۔

 پہلی مرتبہ بڑے پیمانے میں یہ دیکھنے میں آرہا ہے کہ اسرائیلی یہودیوں کی بڑی تعداد جس میں حاخامات ( یہودی مذہبی پیشوا) بھی شامل ہیں ۔ فلسطینیوں کو مکمل آزادی دینے کی عالمی سطح پر  چلائی جانے والی مہیمات    میں کھل کر  حصہ لے رہے ہیں ‘ ایک مذہبی پیشوا نے کھلے عام اسلام بھی قبول کرلیا ہےخود اسرائیل کے اندر پہلی مرتبہ فلسطین کی تائید میں  کئی شہروں میں بڑے مظاہرات  دیکھے گئے۔

غزہ جیسے گنجان آبادی والے شہر پر جہاں کلسٹر  و فاسفورس  بموں کی ہر لمحہ بارش ہورہی ہے ۔ 15 ہزار مکانات نست و نابود  ہوچکے ہیں ‘ جہاں موت کے فرشتوں کا ہجوم ہر گلی ‘ کوچے اور ملبے معصوم لختِ جگر کے لہو اور معصوم بچوں ‘ والدین کے آنسوؤں  سے لبریز ہیں ۔ کفنانے ‘ نمازِ جنازہ اور دفنانے کے لئے تڑپتے معذور  ‘ زخمی لواحقین منتظر ہیں‘ میتوں کو غسل دینا تو دور کی بات ہے کفنانے کے لئے کفن دستیاب نہیں ہے ‘ ملبے میں دبے ہزاروں  لاشوں کو نکالنا نا ممکن ہوگیا ہے‘ اس جنگی صورت حال میں غزہ کے معاشرے کی اعلیٰ اخلاقی قدروں ‘ تہذیب و تمدن کو دیکھ کر دنیا حیرت زدہ ہے کہ 3 ملین کی آبادی کے بچوں ‘ بڑوں ‘ امیر ‘ غریب ‘ مریض و ڈاکٹر  کو آخر کس نے اخلاق حسنہ و اخلاق کریمہ سے مزین کیا ہے ۔ 

’’الغد‘‘ عربی ٹی وی چیانل کے نامہ نگار کے تفصیلی انکشافات نے  دنیا کو پھر ایک مرتبہ حیرت میں ڈال دیا۔ رپورٹر نے جو تفصیلات پیش کیں اختصار  کے ساتھ یہاں درج کیا جاتا ہے ۔اغوا ٔ کردہ دو عمر رسیدہ ضعیف یہودی خواتین کی قید میں جس طرح خدمت اور حسن سلوک حماس کے کارکنوں نے کی تھی ان کا پریس کے سامنے برملا اظہار کرتے ہوئے ان کے  اخلاق کی تعریف  کی اور شکریہ ادا کیا اس پر اسرائیل اور انتہا پسند یہودی چراغ پا ہوگئے اور دشمنانِ اسلام پر سانپ لوٹ گیا۔

7 لاکھ سے زیادہ مرد و خواتین ‘ جوان بچیاں اور معصوم بچے  بالکل بے گھر ہوچکے ہیں ۔جہاں سر چھپانے کے لئے  ریلیف کیمپس  میں ایک رات بھی نہیں گزارتے اسرائیلی جٹ بمبار پناہ گزیں  کیمپ پر جیسے اسلامی یونیورسٹی میں30 سے زیادہ مساجد اور 200 سے زیادہ مدارس  پر بمبنگ کرکے خون کی ندیاں بہا کر ابدی نیند سلا دیتے ہیں۔18؍ اکٹوبر 23 کوہمدانی عیسائی ہاسپٹل  پر جہاں ڈاکٹروں ‘ پیرا میڈیکل  اسٹاف  جو خدمات طبی پر مامور تھے اور اس کے علاوہ مریضوں اور اُن کے رشتہ دار جو اس ہاسپٹل کے سائے میں پناہ لئے ہوئے تھے بمبنگ  کرکے ایک ہزار سے زیادہ معصوم ‘ بے گناہ عوام کو ایک لمحہ میں موت کے آغوش میں ڈھکیل دیا۔اس بدترین نسل کشی پر دنیا میں شدید غم و غصے کی لہر دوڑاٹھی   اس پر پھر ظالم ‘ وحشی اسرائیل و امریکہ کا جھوٹ پر جھوٹ  کہنا ہے کہ القسام بریگیڈ کے راکٹوں کے غلط رُخ پر داغنے سے یہ ہلاکتیں  ہوئیں ۔ اس کی پول تو کئی بڑے میڈیا ہاؤز  نے کھول دی ۔ نیو یارک ٹائمز نے بھی اس جھوٹے مفروضے کو ردّ کرتے ہوئے اسرائیلی بمبارنمنٹ کا دلیل کے ساتھ جواز پیش کیا ۔بمباری میں کئی زچہ ہلاک ہوئے اور اُن کے  سیکڑوں بچے معجزاتی طور پر بچ گئے ان نومولود شیر خوار بچوں کے علاوہ موذی مرض سے متاثرہ  شریک ہسپتال مریضوں  کے لواحقین کی اموات  کی وجہہ سے ان کی دیکھ بھال ایک بہت  بڑا چیلنج تھی ‘ بجلی اور ایندھن کی مسدودی سے کئی ہسپتال نے کام کرنا بند کردیا تھا  لیکن بڑی حُسن و خوبی سے خودعوام ان  کی بہتر نگہداشت کر رہے ہیں۔

سونے کے لئے غزہ کے تباہ حال بے گھر شہریوں کو 15 تا 18 گھنٹے انتظار  کرنا پڑتا ہے ۔ بھوکے ‘ پیاسے نیند کے لئے شدید بے قرار لوگ قطار بنا کر اپنی باری کا انتظار کرتے ہیں ۔ کئی تو سڑکوں پر بیٹھے بیٹھے اپنی نیند کی آغوش میں چلے جاتے ہیں ۔ لیکن کوئی بھی سونے والے افراد کو نیند پورا ہونے تک ہر گز نیند سے بیدار نہیں کرتا۔

مصیبت زدہ لوگوں کے لئے کوئی  علیحدہ بیت الخلا  نہیں بنائے جاتے ‘غزہ کے تمام شہری اپنے گھر چوبیس  گھنٹے کھلے رکھتے ہیں جہاں مرد و خواتین ‘ بچے کسی بھی گھر میں جاکر اپنی حاجت پوری کرتے  اس طرح متاثرین کے لئےاہتمام ہر محلے اور بستی میں عام ہے‘ شیر خوار بچوں کے لئے دودھ گرم کرنے سے لے کر دودھ پلانے ‘ کپڑے بدلنے ‘ تیار ہونے  کے لئے بطور ’’ضیوف الرحمان‘‘ (اللہ کے مہمان )بڑی خندہ پیشانی سے گھر گھر  ان کی خوش آمدید کی جاتی ہے اور خدمت میں بچے ‘ عورتیں  ‘ بوڑھے سب لگے  ہوئے ہیں ۔

جنگ زدہ علاقوں میں لوٹ مار ‘ ڈکیتی ‘ چوری ‘ میتوں پر سے زیورات چرا لینے اور ملبے سے قیمتی اشیا کا سرقہ کرنے کی  عام طور پر ایسی افراتفری کی صورت حال دیکھی جاتی ہے۔ غزہ کا جنگ زدہ شہر کرۃ الارض پر اپنی ایک منفرد خصوصی شناخت بنانے میں کامیاب ہوگیا ۔غزہ میں کہیں کوئی چوری نہیں ہوتی۔ کئی ایسے سوپر مارکٹس بھی ہے جو جزوی طور پر بمباری میں تباہ ہوگئے ہیں ۔ سامان بھرا ہونے کے باوجود  مجال ہے کہ کوئی بھوک اور پیاس سےتباہ حال شخص دوکان میں کوئی سامان حتیٰ کہ پینے کے پانی کی بوتل بھی اٹھالے جائے ‘ جب کہ  ایک ایک بوند اور چمچہ پانی کے لئے آبادی کا بڑا حصہ پیاس سے ترس رہا ہے ۔  عام لوگ قطار بنا کر ان  تباہ شدہ دکانوں میں داخل  ہو کر ضرورت کا سامان ملبے کے باہر بیٹھے  مالک ِ دوکان کے کسی عزیز کو اس کی قیمت ادا کرکے ہی خرید شدہ سامان  لے جاتے ہیں۔ (وہاں کے علما ٔ ‘ مصلحین  اور دینی حلقوں بالخصوص  والدین کو سلام کرنا چاہیئے)۔

 غزہ کے سیاست دان اور انتظامیہ کے عہدہ دار اور ملازمین بڑے ہی دیانت دار لوگ ہیں۔ بدعنوان  لوگوں کا جرم ثابت ہوجائے تو کورٹ مارشل کیا جاتا ہے ان کی دیانت داری دیکھیں تو خلفہ راشدین  کا عہد یاد آتا ہے۔ 

صدر غزہ پارلیمنٹ مسٹر یحییٰ سنوار نے 17 سال اسرائیل جیل میں قید کی زندگی گزاری  نہ ان کے پاس ان کوئی ذات گھر ‘ ذاتی کاروبار ہے ۔ صرف سال میں دو جوڑے کپڑوں  میں زندگی بسر کرتے ہیں ۔ اسرائیل نے کئی مرتبہ انھیں ہلاک کرنے کے لئے بمباری کی وہ ہمیشہ بچتے رہے ۔ اخلاص ‘ صداقت ‘ دیانت داری کوٹ کوٹ کر عوام میں بسی ہوئی ہے ۔

 کسی اسکولی طالب علم سے اگر نصرت اور فتح کے ممکنات و اُمید کے سلسلے میں جب دریافت کیا جاتا ہے تو اُن کی آنکھوں میں روشنی آجاتی ہے اور اتنے پُر عزم  اور حوصلہ مند نظر آتے ہیں اور  ایک جملے  میں ’’نحن و منصورون‘‘  ( ہم ہی فتح یاب ہونے والے ہیں) عام طور پر سن سکتے ہیں ۔ انھیں اس بات پر مسرت ہے کہ وہ ابنائے  خالد بن ولید ؓ ‘ صلاح الدین ایوبی ؒ  و عز الدین قسام شہیدؒ  قرار دینے میں فخر محسوس کرتے ہیں ۔

  حیرت کی بات تو یہ ہے کہ 3 ملین والی آبادی والے شہر میں کوئی پولیس نام کا شعبہ نہیں ہے ۔ غزہ کے 40 ہزار سرکاری  ملازمین  ہیں جو زیادہ تر صحت ‘ تعلیم‘ عدلیہ اور بلدیہ کے وزارتوں میں معمور نہیں ۔ اس وقت حماس کے لئے اندرونی مصائب اور مسائل بھی بڑے چیالنجس  سے کم نہیں ۔ اب تک 2 ہزار سے زیادہ بیوائیں  اور 8 ہزار سے زیادہ بچے یتیم  ہوچکے ہیں ان سب کی بہتر انداز میں دیکھ بحال کے لئے حماس کا انتظامیہ پوری طرح مستعد و متحرک  نظر آتا ہے ۔ 

Total No of Words: 2,247

  Release on : 29-10-2023

بسمہ تعالیٰ

مسئلہ فلسطین کا سفارتی و سیاسی حل نکالنے میں ہماری عدم دلچسپی!!

         از:  ناظم الدین فاروقی

NPA  DOC No : 01688

Dated: 22-10-2023

7؍ اکٹوبر سے غزہ  میں حماس اسرائیل جنگ جاری ہے فلسطینی کی تمام سرحدوں کو مقفل کرتے ہوئے پانی ‘ بجلی ‘ غذا ٔ کی سربراہی کو مسدود کردیا گیا ۔5 ہزار سے زیادہ معصوم بچے ‘ عورتیں ‘ بوڑھے اور نوجوان اسرائیل کی وحشیانہ بمبنگ میں  جام شہادت پا چکے ہیں ۔ 30 ہزار سے زیادہ شدید زخمی ہیں ‘ معمدانی اسپتال  پر بمبنگ  سے ایک ہی وقت میں ایک ہزار معصوم لوگ ہلاک ہوچکے ہیں ۔ 10 ہزار سے زیادہ مکانات بمبنگ  میں کھنڈر ہوچکے ہیں ۔جس طرح پہلے 40 بچوں کے سر قلم کرنے کا ساری دنیا میں جھوٹا پروپگنڈہ  کیا گیا ٹھیک اسی طرح  معمدانی ہاسپٹل  پر حماس کے راکٹ کی غلطی سے حملے کی جھوٹی خبریں  میڈیا میں  عام کی جاتی رہیں۔

ایسا لگتا ہے کہ ساری دنیا غزہ کی جنگ  کئی حصوں میں تقسیم ہوچکی ہے ۔ عیسٰی و موسیٰ  کے آپسی اتحاد نے یہ ثابت کردیا ہے کہ یہ نہ صرف طاقتور ظالم و مظلوم کی جنگ ہے بلکہ عالمی اتحاد کی ایک نوعیت مذہبی بھی ہے ۔ صیہونی  طاقتوں کے اثر ورسوخ اور 7 گریٹ پر گرفت کا عالم یہ ہے کہ ایک کروڑ سے بھی کم آبادی والے ملک کی حوصلہ افزائی  اور ظالمانہ کارائیوں کی پشت پناہی کے لئے بلا کسی تاخیر کے پہلے امریکہ نے F35A  جیسے خطرناک جٹ  بامبروں  سے لدے بحری بیڑے کو غزہ کے ساحل پر بھیج کر خود صدر جو بائیڈن نے تل ابیب پہنچ کر اپنے کھلے عام  ظالم صیہونی مملکت اسرائیل کی صیانتی و دفاعی کئی بلین کی امداد بھی  فوری پہنچادی ۔ ابھی صدر بائیڈن امریکہ لوٹے بھی نہیں تھے کہ برطانیہ کے وزیر آعظم رشی سونک معہ امدادی  سازو سامان کے ساتھ تل ابیب پہنچ گئے ۔ جب کہ ساری دنیا دیکھ رہی ہے کہ کس طرح نہتے فلسطینیوں  کو ایک چھوٹے سے شہر میں محصور کرکے پانی کے ایک ایک قطرے ‘ بوند کو ترسا کر بڑے پیمانے پر لیل  والنہار  اسرائیلی اپنے وحشیانہ  بمبنگ  کے ذریعے بے قصور نہتے فلسطینیوں کی نسل کشی کر رہا ہے ۔ 

امریکی صدر جوبائیڈن کی وزیر آعظم  نتن یاہو کی ملاقات کے بعد  4 اہم ملکوں مصر ‘ اردن ‘ سعودیہ عربیہ ‘ قطر سے ملاقات  کا ارادہ تھا لیکن ان ممالک نے سرد مہری کا اظہار کیا ۔وزیر خارجہ بلنکن  کو  ریاض  میں اپنے سفارتی دورہ کے موقع پر محمد بن سلمان سے کافی اہانت کا سامنا کرنا پڑا ۔ پہلے چوبیس گھنٹے  محمد بن سلمان نے امریکی وزیر خارجہ کو دن بھر انتظار میں بٹھا دیا اور رات دیر گئے بھی ملاقات نہیں کی بلکہ دوسرے دن  امریکی خارجہ کو ملاقات  کا موقع دیا ۔ اس پر سفارتی حلقوں میں محمد بن سلمان کے غیر متوقع کم درجے  کے سلوک پر کافی  مباحث ہورہے ہیں ۔

طوفان الاقصٰی  کے عبقری ‘ عسکری ناقابل یقین  بجلی کی طرح شاطرانہ  کاروائیوں کے بعد سے  تمام بڑی عالمی  طاقتیں ابھی تک سخت صدمے میں  مبتلا ہیں ۔ اسرائیل کی مخابرات اور سیکریٹ   جیسے امان ‘  موساد  اور کٹسا جیسے خطرناک ادارے رکھنے والے ملک  کو خاک چاٹنی پڑی ۔ اس دوران  تین بڑی کانفرنسیس خلیجی کونسل ‘ عرب لیگ اور رابطہ عالم اسلامی OIC  کی  تین بڑی کانفرنس منعقد کی گئیں۔ تینوں کانفرنسوں کی قراردادیں جو دنیا کے سامنے آئی ہیں اس سے اس بات کا اندازہ ہوتا ہے کہ  ہمیشہ کی طرح نشست ‘ گفت ‘ برخواست  کے علاوہ کوئی خاص ٹھوس  غیر معمولی مضبوط قراردادیں منظور کرنے میں یہ تینوں کانفرنس ناکام رہیں ۔ OIC  اپنے قیام ستمبر 1969 سے ہی تمام مسلم ممالک کا اقوام متحدہ کے بعد سب سے بڑا  ایک وفاق ہے لیکن اسے ایک کافی کلب سے بڑھ کر کبھی با اختیار ادارہ بننے نہیں دیا گیا  اور کوئی اہم بڑے فیصلے لیتے ہوئے جاری عالم اسلام کے کسی بھی المیہ کو روک لگا نے میں یہ ہمیشہ ناکام رہا ۔  اس کی بڑی وجہہ یہ رہی OIC  بھی عالمی بلاک کی طرح کئی بلاکس میں تقسیم رہا ۔ سویت یونین کے زوال کے بعد 7 گریٹ استعماری ممالک کے ہمنوا بن کر آج بھی  عرب و مسلم ممالک آپسی تضادات کا شکار ہیں ۔ OIC کی تاریخ میں سوائے مالی امداد اور دو طرفہ ذومعنی صحافتی بیانات کے کوئی بڑا اہم  ٹھوس اقدام  کرتے نہیں دیکھا گیا ہے  جس سے کسی مسلم ملک  یا مسلمانان عالم کے مقابل کا حل نکلا ہو یا پھر  اندرونی  جاری خانہ جنگی گزشتہ 35 سالوں میںعالمی استعماری طاقتوں کے بے جا مظالم میں کمی واقع ہوئی ہو ۔

یہ بات ہمیں تسلیم کرنی پڑے گی کہ OIC افغانستان ‘ عراق ‘ شام ‘ لبنان ‘ سوڈان ‘ لیبیا ‘ صومالیہ ‘ نائجیریا ‘ بوسنیا کے تباہ کن ‘ بدترین حالت میں اپنا کوئی موثر رول ادا کرنے میں ہمیشہ ناکام اور پیچھے رہا ۔

فلسطین اور مسجد الاقصیٰ  کی آزادی کا مسئلہ  75 سال سے چل رہا ہے ۔ مسجد الاقصیٰ کے علاوہ مغربی پٹی ‘ غزہ اور داخلی اسرائیل میں فلسطینیوں پر مظالم کا سلسلہ جاری ہے ۔ رابطہ عالمی اسلامی اگر اپنے مطالبات میں صرف اقوام متحدہ کی قرارداد نمبر 1948/181 اور بعدUNO کی 200 سے زیادہ  منظور کردہ قراردادوں  کی پاسداری کا متحدہ طور پر پُر زور مطالبہ کرتے ہوئے اسے نافذ کر کرانے میں کامیاب ہوجاتی  تو آج مقبوضہ فلسطین  میں  فلسطینی عوام کی اتنے بڑے پیمانے پر آج یہ نسل کشی نہ ہوتی ۔

ایک قابل تحسین بات یہ دیکھنے میں آئی ہے کہ تمام عرب ممالک نے متحدہ طور پر  یہ بات بڑی ہی پُر زور طریقہ سے رکھی کہ کسی بھی صورت میں فلسطینی  متاثرین  کا انخلأ نہیں ہونا چاہیئے ‘ اردن اور مصر نے کہہ دیا ہے کہ ہم کوئی بھی فلسطنی مہاجر کو قبول نہیں کریں گے کیوں کہ  اسرائیل کی ہمیشہ سے یہ خطرناک پالیسی رہی ہے کہ  دم دُمار کے ذریعے فلسطینیوں کو پہلے بے گھر  کیا جاتا رہا پھر نہتے فلسطینی خاندانوں کو سرحد پار لبنان ‘ اردن ‘ مصر  میں ڈھکیل دیا  گیا اور بعد میں اسرائیل مہاجرین کو اپنے آبائی وطن لوٹنے پر سخت پابندی عائد کرتے ہوئے انھیں بیرونی شہری قرار دیا کرتاہے۔ تجربات کی بنیاد پر یہ حکمت عملی اختیار کی گئی ہے جسے حماس کی بھی تائید حاصل ہے ۔اردن کا کہنا ہے کہ پہلے ہی 60 لاکھ فلسطینی پناہ گزینوں کا ہم بوجھ اٹھا رہے ہیں اور اسرائیل انھیں اپنے آبائی مقام جانے  پر اسرائیل میں سخت پابندی عائد کر رکھا ہے ۔

تقریباً 22  مسلم ممالک نے اسرائیل سے اپنے تعلقات ’’ ابرھیمی امن معاہدے ‘‘ کے عنوان سے استوار کرلئے ہیں۔اردن اور مصر تو 50 سال پہلے اپنے سفارتی تعلقات بحال کرچکے تھے ۔ امارات اور بحرین نے توحدیں  پار کردیں ۔ خلیجی عرب سیادت کے بے بصیرتی کا اندازہ اس بات سے لگایا جاسکتا ہے کہ اسرائیل جیسا  اسلام و مسلم دشمن ظالم ملک جس کی سرحدیں آپ  کے ملک سے  نہیں ملتیں  ہیں اور اس کا  نہ وہ پڑوسی ملک ہے اور نہ ہی اس کے رحم و کرم پر ان ممالک کی معیشت اور ترقی کا کبھی انحصار رہا ہے ۔ اللہ نے انھیں تیل کی دولت سے مالا مال کر رکھا ہے ۔ امارات ‘ اسرائیلی یہودیوں کو پاسپورٹ  جاری کرتے ہوئے انھیں دوہری شہریت دی جارہی ہے یہ مالی طور پر طاقتور مسلم عرب ممالک ان تمام معاہدات کے وقت اگر یہ شرط رکھتے کہ فلسطین اور مسجد الاقصیٰ  کو پہلے مکمل آزاد  کیا جائے اور  اقوام متحدہ کی قراردادوں  کے مطابق دو قومی  نظریہ کے تحت معاہدات کی تمام شقیں بحال کی جائیں ۔ تو پھر ہم کسی بھی قسم کے امن معاہدے  کے لئے تیار ہیں؟ ۔ مقدس سرزمین فلسطین کے فلسطینی مستوطنین کو تو ایک پاسپورٹ بھی جاری نہیں کیا گیا بلکہ50 ہزار سے زیادہ یہودی مستوطنین Settler کو اپنے ملک کا اعزازی شہری بنادیا گیا۔ 

سعودی عربیہ نے اسرائیل کے ساتھ سفارتی تعلقات کی بحالی کی تیاری کرلی ہے  اور اسرائیلیوں کو مذہبی تجارتی اور تفریحی ویزے دینے کا اعلان کیا ہے ۔ اطلاعات کے مطابق نبی کریمؐ نے دور میں جن جن علاقوں میں یہودی بستیاں تھیں وہاں حاخامات (یہودی مذہبی پیشوا ) نے آکر بطور یادگار کے پودے لگائے ہیں  ۔ اس میں اتنی عجلت کی ضرورت کیا تھی کہ ایک کروڑ فلسطینیوں کے مسائل کو ترجیحی دی جاتی تو آج یہ صورت حال نہیں ہوتی  ایران نے OIC کے 18؍ اکٹوبر کے حالیہ اجلاس میں ایک وزن دار تجویز رکھی تھی جس پر کسی نے بھی ایران کے مطالبہ پر کان نہیں دہرا ۔ اس کا کہنا تھا کہ مسلم ممالک اپنے اپنے ممالک سے اسرائیلی سفیروں کو خارج کرتے ہوئے فوری ان کے سفارت خانے بند کردیں ۔ اگر یہ تجویز قبولکرلی جاتی تو مسئلہ کے حل میں ایک قدم پیش رفت ہوتی تھی اور اگر ایسا ہوتا تو بہت دباؤ اسرائیل اور امریکہ پر پڑتا۔ سعودی عربیہ نے OIC کے دوران کانفرنس حماس کے متعلق کسی بھی تنقید سے اجتناب  کیا لیکن فوری د دن بعد ایک سینئر پرنس نے اسرائیل کے ساتھ ساتھ حماس پر بھی جم کر پھٹکار لگائی اور دل بھر کر برا بھلا کہہ دیا ۔ عرب ممالک میں سلفی علما کی ایک اچھی خاصی تعداد نے حماس کے خلاف کفر کے فتوؤں کی دوکانیں سجادیں  انھیں یہودیوں کے ایجنٹ ‘ کافر زندیق  خوارج قرار دینے میں ذرا بھی ہچکچاہٹ محسوس نہیں  کر رہے ہیں۔ مسئلہ فلسطین کے ایک طرف گہ گیا حماس کو ملعون قرار دینے میں ایڑی چوٹی کا زور لگایا جارہا ہے  ۔غزہ کے نوجوان شیخ محمود الحسنات (جن کے 18 افراد خاندان 15؍ اکٹوبر کو شہید ہوگئے )نےاپنے بیان میں کہا کہ 22 عرب ممالک اسرائیل کے خوف سے لرزے جارہے ہیں جب کہ اللہ نے ہمیں نصرت دی بغیر کسی عصری ہتھیار اور رسمی فوج کے ہم نے انھیں شکست خوردہ کردیا تو ہمارے بھائیوں کو اللہ کا شکر ادا کرنا چاہیئے ۔

شیخ  احمد یاسین ؒ نے 1987 میں جب حماس تحریک کی بنیاد ڈالی تھی تو اس کے پیچھے یہ نظریہ کارفرمان تھا کہ  بیت المقدس اور ارض فلسطین کی آزادی اور تحفظ کی پہلی  ذمہ داری فلسطینی اسلامی قیادت پر ہے ۔ یہ امت کا فرض کفایہ ہے کہ ہم بیت المقدس  کو آزاد کرائیں ‘ دنیا کے تمام معاہدے سیاسی مفاہمتیں ‘ وعدے نہ صرف کھوکھلے  ثابت ہوتے ہیں بلکہ امن معاہدہ  کے نام پر معصوم فلسطینی عوام کو ان کی اراضیات سے مسلسل بے دخل کرتے ہوئے مستوطنینSettler  کو بسایا جارہاہے ۔

یاسرعرفات بھی امریکہ کے شدید دباؤ میں  اسرائیل کے ساتھ اوسلو امن معاہدہ 1994 میں دستخط کرنے کے لئے مجبور ہوگئے تھے ‘زبردستی الفتح کو اس بات کے لئے راضی کروالیا تھا کہ وہ مغرب پٹی میں واپس لوٹ کر اپنی آزادی کی داخلی لڑائی لڑیں گے۔اس وقت سارے عرب ممالک نے اس پر شدید ناراضگی کا اظہار کیا تھا کہ یاسر عرفات خود ساختہ طور پر خود تنہا معاہدہ پر دستخط کرنے کی حماقت کر بیٹھیں ہیں انھیں اس کا خمیازہ بھگتنا پڑے گا۔

اسرائیل نے ان 75 سالوں کے دوران مسلسل تین  فلسطینی نسلوں اور ان کی قیادت کا مکمل خاتمہ کردیا اور ہمیشہ یہ تصور کرتے رہے کہ فلسطینی تحریکات کا ہم نے ہمیشہ کے لئے صفایا کردیا جو ان کی سونچ سے بڑی  غلطی تھی ۔ شیخ احمد  یسین  کی شہادت کے 20 سال بعد بھی آج حماس   اس سے زیادہ مضبوط اورطاقتور فعال ہے ‘ ایسا معرکہ کر ڈالا جسے تاریخ میں لکھا جائے گا۔

2004 میں مئی میں فلسطینیوں کے محبوب ‘  دست و پأ سے  مفلوج اسلامی قائد تحریک کے روح رواں  شیخ احمد  یسین کو ویل چیر پر فجر کی نماز کے جاتے وقت  ایک راکٹ حملے میں شہید کردیا گیا ۔یاسرعرفات کو ان کے دفتر میں کئی سو دن سے محصور کرکے رکھ دیا گیا تھا‘ شیخ احمد یسین شہید کے6 ماہ بعد انھیں داخلی جاسوسی کے ذریعےپلونیم نامی زہر دے کر 4؍ نومبر 2004  کو ان کا سرد قتل کردیا گیا ۔ ان دونوں  کی شہادتوں کے بعد اسرائیل یہ سمجھ بیٹھا تھا کہ ہم نے حماس اور الفتح دونوں قیادت کا خاتمہ کردیا ہے اور اب یہ آزادی کی تحریکات دم توڑ دیں گی  اور ہم مغربی وغزہ کی پٹیوں پر قابض ہوجائیں گے۔ 2006 میں مقامی انتخابات  اقوام متحدہ کی نگرانی میں کروائے گئے غزہ میں حماس کو 90% سے زیادہ ووٹ ملے اور مغربی پٹی میں 70% ووٹ ملے ۔ اختلافات کو ختم کرنے کے لئے حماس نے مغربی پٹی الفتح کے لئے چھوڑ دی ۔ تحقیقاتی  اداروں کے مطابق جس میں فلسطینی سیکوریٹی اہلکار نے یاسر عرفات کو زہر دیا تھا  وہ آج ابو ظہبی کے شاہی محل میں مشیر خاص کے عہدہ پر فائز ہے اور اسرائیل کے ساتھ امارات  کے امن معاہدے  ’’صفۃ القرن‘‘ یا Ibrahim Accord  میں اس کا بہت بڑا رول مانا جاتاہے ۔

مسلم ممالک کی قیادت اس بات کی کوشش کرتی کہ مغربی پٹی اور غزہ کو اقوام متحدہ کے قراردادوں  کے مطابق مکمل  ایک آزاد  دفاعی منسٹری وزارت قائم کرنے کی اجازت دی جانی چاہیئے تا کہ وہ اپنے شہریوں کی ہلاکتوں  اور نسل کشی بر وقت روک سکیں ‘ افسوس تو یہ ہے کہ 75 سالوں میں نہ انھیں فوج  تشکیل دینے ‘ نہ اسلحہ خریدنے اور  نہ طیارے و بحری جنگی جہاز رکھنے کی اجازت اقوام متحدہ نے دی ہے ۔ کھلی جیل میں فلسطینی محروس ہیں ۔ اسرائیل نے   تین ممالک کی سرحدوں میں گھس کر قبضہ کرلیا تھا ۔ شام کے گولان ہائٹس ‘ لبنان ‘ مصر کی سینا اور اردن کے کنارے  کو پُر امن معاہدات کے ذریعے عرب سیاسی قیادت دوبارہ حاصل کرکے   اسرائیل  کو اپنے سفارتی اثر و رسوخ سے دستبرداری  کے لئے راضی کروالتیے تو صورت حال کچھ دوسری ہوتی ‘ عرب ممالک کی کمزوریوں کی وجہہ سے فلسطینیوں  کی آزادی کا مسئلہ مزید پیچیدہ ہوتا جارہا ہے ۔

ساری دنیا میں اسرائیل  کی بربریت اور مظالم کے خلاف زبردست مظاہرے اور میڈیا میں سخت غم و غصے اور مذمت کی لہر اٹھی ہے۔ میڈیا کمپنیوں نے  فلسطین  کی تائید میں ٹویٹ کرنے والے لاکھوں  اکاؤنٹس  زبردستی بند کردیئے ۔ روس اور چین بہت بڑی قوت ہونے کے باوجود  بڑی ہی چالاکی سے فلسطین کے مسئلہ سے اپنے آپ کو  ذو معنی بیانات کی حد تک محدود  رکھتے ہوئے عملی طور پر کوئی مثبت رول اداکرنے میں دلچسپی نظر نہیں آئی۔

فلسطینیوں  کی آزادی اور ظلم و بربریت کے خلاف  لڑائی میں ہر انسان دوست شخص کو اخلاقی تعاون پیش کرنا چاہیئے۔  ہندوستان میں انصاف پسند آزادی فلسطین کے قائل سیکولر سیاسی جماعتیں ‘ دانشور اور صحافی کھل کر فلسطین کاز کا ساتھ دے رہے ہیں ۔ یہ عجیب بات ہے کہ ہندوستان کی بڑی مسلم جماعتیں متحدہ موقوف اختیار کرنے سے اجتناب  کر رہی ہیں ۔ ایسا لگتا ہے کہ          بی جے پی کے قہر اور ناراضگی کا خوف  ان پر طاری ہے۔ عوامی سطح پر فلسطین اور مسجد الاقصیٰ کی آزادی کے لئے شعور پیدا کرنے کی ضرورت ہے  اور ہمارا ان آزادی کے لئے لڑنے والے جیالے جہد کاروں کی مکمل اخلاقی حمایت کرنی چاہیئے ۔

Total No of Words: 2,481

  Release on : 22-10-2023

بسمہ تعالیٰ

کیرالا اسٹوری ‘ اسلام دشمن فلم 

         از:  ناظم الدین فاروقی

NPA  DOC No : 0151

Dated: 07-05-2023

دنیا میں سوشل میڈیا فلمیں  اور ٹی وی سیریلس  کے ذریعہ اقوام عالم کی سونچ بدلتے ہوئے اچھی تبدیلیاں کم اور تباہی و بربادی عام کی جارہی ہے ۔اپنے مقاصد فاسدہ کے مطابق  مثبت اور منفی ذہن بنانے کے لئے عالمی و علاقائی طاقتیں زبردست سرگرم ہیں‘لغو فلمیں بنا کر  اسلام اور مسلمانوں کو بدنام کرنے کا سلسلہ جاری ہے ۔ ایسی ہی ایک خطرناک فلم کیرالا اسٹوری ابھی ریلیز ہوئی ہے۔

ہندوستان میں مسلمانوں کو ہر سمت سے ٹارگٹ کرکے ان کے خلاف نفرت ‘ عداوت اور دشمنی کا زہر عام ہندوستانیوں کے ذہن میں بھرا جارہا ہے ۔ یہ کام کئی دہوں سے جاری تھا لیکن ہندوتوا کے علمبردار حکومت میں آنے کے بعد مسلمانوں پر ظلم و استبداد میں کئی سو فیصد کا اضافہ ہوا ہے ۔امریکہ کے کمیشن برائے مذہبی آزادی (USSIRF) کی  ایک رپورٹ میں واضح طور پر دکھایا گیا ہے کہ مسلم اقلیتوں ‘ عیسائیوں ‘ سکھوں کے خلاف موجودہ بی جے پی حکومت کے مظالم میں 600% فیصد اضافہ ہوا ہے۔ مذہبی اقلیتوں پر طرح طرح کی زیادتیوں اور مظالم اس طرح جاری رہیں گے تو 20 کروڑ مسلم آبادی مزید زوال کا شکار ہو کر  ان کی اور دلتوں سے بھی کم ملک میں حیثیت ہوجائے گی۔ 

وقفہ وقفہ سے اسلاموفوبیا کا ماحول گرمانے کے لئے نئی نئی لغو ‘ بے بنیاد فلمیں تیار کی جارہی ہے  ہندوتوا طاقتیں بڑے پیمانے پر مسلم مخالف فلمیں تیار کرنے کے لئے بے دریغ پیسہ خرچ کر رہی ہے ۔

جنوری 23 میں ایک انتہائی نفرت آمیز فلم کشمیر فائیلس ریلیز کی گئی تھی ۔ جس میں مسلمان کشمیریوں کے پنڈتوں پر مظالم کو خوفناک انداز میں فلمایا گیا۔ سارے ملک میں حکومت کی مشنری نے اس کا خوب پروپگنڈہ کیا بلکہ کئی تھیٹروں میں بی جے پی سیاسی قائدین نے کئی کئی دن کے ٹکٹ بک کرنے عوام کے لئے مفت فلم بینی کا انتظام کیا تھا ‘ اس سے ملک کے طول و عرض میں مسلمانوں کے خلاف بعض آفتہ منظم پیمانے پر نفرت ‘ عداوت اور انتقام کی آگ  بھڑکائی گئی۔

علاقائی زبانوں میں بھی اس طرح مسلمانوں کے خلاف نفرت آمیز کئی فلمیں گزشتہ 20 سالوں میں بنتی رہیں ۔ ایک جانب سیاسی قائدین ہندوتوا کے علمبردار سماجی کارکن ‘ گلی گلی مسلمانوں کو نفرت کا شکار بنانے والے اشرار ‘ اب پر سکون آپس میں شیر و شکر  بن کر رہنے والے تکثیر  ہندو مسلم سوسائٹی میں ایک ہلاکت خیز سازش کے تحت زہر آلود ماحول ہمیشہ بنائے رکھنے کے لئے بدترین قابل مذمت فلمیں  تیار کی جارہی ہیں۔

6؍ مئی کو جاری کردہ کیرالا اسٹوری جس میں کیرالا کے مسلم فرضی دہشت گردوں کی کہانی و اسکرپٹ لکھ کر ڈرامائی انداز میں فلمایا گیا اور اس میں  یہ ظاہر کیا گیا کہ جہادی تنظیمیں غیر مسلم لڑکیوں اور عورتوں کو دامِ محبت میں گرفتار کرکے مسلمان بنا کر ISIS کے لئے جہادی دلھن بنا کر بھیجا کرتے ہیں۔قتل و خون و خرابے کے دوران جہادی لڑکیوں کے ساتھ جنسی استحصال بتایا گیا۔ کوئی بھی سچا مسلمان مجاھد ہر گز زانی نہیں ہوسکتا ۔ اسلام میں زنا پر رجم جیسی سخت سزائیں ہیں۔

جب تک حکمران سیاسی پارٹی بی جے پی کی پشت  پناہی حاصل نہیں اس وقت تک اتنی بڑی مسلم اقلیت کے خواتین کے خلاف کوئی اس طرح کی فلم نہیں بنا سکتا اور آر ایس ایس کا تیار کردہ لغو اسکرپٹ پر مسلمانان کیرالا کو بدنام کرنے کے لئے یہ فلم بنائی گئی ۔

Vipul Amrut Lal Shah کا کہنا ہے کہ میں کسی سوال کا جواب نہیں دو ں گا۔ صورت حال بہت خراب ہے ‘ ہم معصوم لڑکیوں کے درد کو سمجھتے ہیں ‘ ہم شعور پیداکرنے کے لئے یہ فلم بناتے ہیں وغیرہ۔ 32,000 نو مسلم لڑکیوں کو کیرالا سے افغانستان ‘ شام اور عراق اسمگل کرنے کی ایک جھوٹی کھانی گھڑی گئی پھر اس کو فکشن فلم کا نام دیا گیا۔ Vipul گفتگو میں کہتا ہے اس طرح کیرالا کی دو لڑکیاں افغانستان اور شام کی جیلوں میں مقید ہیں جنھیں جہادی لوگوں نے بھیلا پھسلا کر اپنے گرفت میں لے کر بیرونی ملک جہادی سرگرمیوں اور جنسی جہاد کے لئے  اسمگل کیا تھا۔

یہ فلم ‘ فلم انڈسٹری کی تیار کردہ نہیں ہے :

یہ جان کرتعجب ہوگا کیرالا اسٹوری کے  مصنف اور  ڈائرکٹر ‘ پروڈیوسر کا کوئی تعلق کیرالا سے نہیں ہے۔ اس کا رائٹر اور پروڈیوسر Sudipto Sen ہے جو بدنام زمانہ شاردا 2013  کےاسکام کا اصل ملزم  اور سرغنہ ہے ۔ شاردا چٹ فنڈ کمپنی کے مالک سوڈ پٹوسن اس نے 250 کمپنیاں بنائی تھیں۔ جس میں 17 لاکھ غریب ‘ معصوم بنگالیوں کا6 بلین امریکی ڈالر تھا وہ دکھوکہ دہی کے ذریعے ہضم کرلیا گیا۔ہندوستان میں حال میں ہوئے تمام اسکامس میں یہ اسکام سب سے بڑا تھا۔ اس کے خلاف ممتابنرجی ‘ کانگریس ‘ کمیونسٹ پارٹی  نے کئی بیانات دیئے تھے ۔ چونکہ انتہا پسند ہندوتوا پارٹیوں کی سرپرستی حاصل ہے ۔دوسرے تمام لوگوں کو اس اسکام میں شریک تھے گرفتار کئے گئے لیکن  Sudipto Sen کو گرفتار کرنے کی کسی کو ہمت نہیں ہوئی‘ سوشل میڈیا سے اس کی تصاویر اور تفصیلات اس نے خود ہٹالی۔

اس کا ڈائرکٹر Vipul Amrut Lal Shah  جس کا تعلق گجرات سے ہے ۔ اس کا تعلق کبھی فلم انڈسٹری سے نہیں رہا۔ ڈرامہ لکھا کرتا تھا اس نے دو چھوٹی فلمیں کسی زمانے میں بنائی تھیں ‘  ایک کہا جاتا ہے کہ 1990 میں اس نے گجراتی زبان میں  Dariya-Chhoru ٹی وی شو بناتا ہے ۔ وہ Optimystix Entertainment  کا منیجنگ ڈائرکٹر ہے۔

کیرالا اسٹوری بنانے کے لئے ان دو مختلف ریاستوں کے استخصاص کو کس نے قریب کیا اور ایک تیسری ریاست کے مسلمان لڑکیوں پر فلم بنانے کی ترغیب دی ‘ ایک بنگالی اور ایک گجراتی شخص کو اچانک کیرالا کے نوجوان مسلم خواتین پر فلم بنانے کے لئے کس نے ترغیب دی ‘ یہ بہت بڑا سوالیہ نشان ہے ۔یہ ایک عجیب ستم ظریفی ہے کہ بلا وجہہ جھوٹی کہانی گھڑ کر مسلمان سوسائٹی کو مختلف ریاستوں میں منصوبہ بند طور پر ہراساں کیا جارہا ہے ۔

کیا فلم میکرس کے پاس اتنی صحیح اطلاع ہے کہ مذکورہ نو مسلم خواتین جہاد کے لئے کیرالا سے لیجائے گئے تھے ۔اس کی تمام اطلاعات ملک کی صیانتی وخفیہ ایجنسیوں کے پاس ہے ۔ جہاد کے نام پر عالمی طاقتوں کے دہشت گرد تنظیموں کا بڑا نٹ خود  بین الاقوامی میلشیا اور درجنوں گروپس و Mercenary  سرگرم ہیں ۔ اسلامی جہاد ‘ داعش اور ISIS کا لیل  لگا کر ممالک کے ممالک تباہ کئے جاچکے ہیں ۔ درجنوں کتابیں مغربی نامور مصنفین کی اس عنوان سے شائع ہوچکی ہیں مسلمانانِ ہند یا کیرالا کے مسلمانوں کا اس طرح بے بنیاد جہادی‘ دہشت گردانہ سرگرمیوں سے کوئی تعلق نہیں Synthetic Terrorism کہلاتا ہے۔ ایسی ایسی تفصیلات سامنے آچکی ہیں کہ پڑھنے والا دم بخود ہوجائے‘ کیا مسلمانانِ ہند اتنے گئے گزرے شی بن چکے ہیں کہ جو چاہے ہمارے عزت ‘ غیرت ‘ ناموس کے ساتھ طرح طرح سے کھلواڑ کریں اور ہماری معصوم صاحبہ عفت حشمت  والی بہنوں اور بیٹیوں کا سر عام فکشن کے نام پر استہزأ کیا جائے ۔

Vipul Amrut Lal Shah وہ ہی بکواس کر رہا ہے جو اکثر آر ایس ایس و بی جے پی کے قائدین کرتے ہیں تا کہ ہندوؤں کے  لغو استدلال ہے کہ  ہم نے ہمارے پاس ستی جیسی رسم تھی وہ ختم کردی ۔ مسلمان عورتوں کی بھلائی کے لئے ہم نے فلم بنائی  ہے۔مسلمان عورتوں کو بھی اسلام کے نام پر جو پھانسا جارہا ہے ہمیں چاہیئے کہ ان کو بچایا جائے وغیرہ‘ ان باتوں میں کوئی صداقت نہیں!!۔

چیف منسٹر کیرالا نے سخت مخالفت کی اور ششی تھرر نے کہا کہ مبالغہ آرائی کی بھی کوئی حد ہوتی ہے ۔10 کروڑ مسلم خواتین جن کی جتنی عزت کی جائے کم ہے  وہ ہمت و جذبے و ولولہ کے ساتھ اپنے اختیارات ‘ مقام اعلیٰ تہذیب و تمدن ‘ معیار و وقار کے ساتھ اس ملک میں دوسرے ہم وطن عورتوں کے مقابلے میں اچھی قابل رشک زندگی گزارتے ہیں۔

 Vipul Amrut Lal Shah اور سوڈپنوسن کو پہلے ہماری عام  ہندوستانی عورت کی حالت زار پر پلٹ کر نظر ڈالنا چاہیئے ‘ اس پر اصلاحی تنظیمیں بنانا چاہیئے ۔ World Female Index میں ہندوستان کینیا اور صومالیہ سے بھی نیچے گرچکا ہے ۔ 143 نمبر تک پہنچ چکا ہے ۔ حاملہ عورتوں کی اموات میں 127 رینک تک پہنچ چکا ہے ۔جہیز کی اموات میں Dorey Death میں 110 درجے تک گرچکا ہے ‘  بھوک اور فاقہ سے ہزاروں عورتیں موت و زیست کے عالم میں ہے ۔ ہیومن رائٹس جہد کا اور سپریم کورٹ کی مشہور وکیل ورندا گورو جنھوں نے کیرالا اسٹوری کے خلاف سپریم کورٹ میں مرافعہ داخل کیا تھا۔ اس ملک میں گائیوں ‘ بندروں اور حیوانوں کی بقا کی اہمیت ہے لیکن نوجوان عورتوں کے تحفظ ‘ بقا اور ترقی کے لئے کوئی پرسان حال نہیں ہے ۔ملک میں 90 منٹ میں ایک ریپ ہوتا ہے۔انھوں نے ہندوستان میں عورتوں کی حالت زار پر ایک شارٹ فلم Rapo Capital  بنائی تھی جو دیکھنے سے تعلق رکھتی ہے ۔

کرناٹک  میں 2023 کے اسمبلی انتخابات جاری ہیں عین اسے موقع پر سندیپ شرما اور ریشمی شرما کی فلم ٹیپو سلطان انٹرنٹ پر جو گذشتہ سال فبروری میں ریلیز کی گئی تھی ‘ پھر سے اس کی زور و شور سے مارکٹنگ کی جارہی ہے  اس میں ٹیپو سلطان شہید جنہوں نے استعماری افواج کے خلاف تین جنگیں لڑیں تھیں  اور ایک عادل ‘ مضبوط انتظامیہ اور ترقی پسند  سپہ سالار اور حکمران تھے  انگریزوں کے خلاف لڑتے ہوئے 4؍ مئی 1799 کو شہید ہونے تک  کامیاب حکمرانی کی۔

فلم کے ذریعہ مکمل طور پر جھوٹا پروپگنڈہ کرتے ہوئے ٹیپو کو ایک ظالم ‘ جابر ‘ وحشی حکمران بتلایا جارہا ہے ۔800مندر ‘ 27 چرچس کے علاوہ چالیس لاکھ ہندوؤں کو زبردستی مسلمان بنانے اور ایک لاکھ سے زیادہ ہندوؤں کو غلام بنا کر میسور کی سلطنت میں رکھا گیا تھا وغیرہ کا الزام لگایا جارہا ہے ۔ تاریخ کی کتابوں میں کہیں اس طرح کی باتیں نہیں ملتیں اور نہ ہی برٹش مورخین نے ٹیپو کے سلسلہ میں  کسی قسم کی برائی اپنے ریکارڈ میں نہیں لکھی ۔ ایک جانب کشمیر فائیلس ‘ ٹیپو اور پھر کیرالا اسٹوری یہ انتہا پسند ذہینت کو غیر مسلموں میں عام کرنے کے لئے بدترین کوشش کی جارہی ہے ۔ اس میں سب سے بڑا مسئلہ جو ہندوستان کے درپیش ہے وہ یہ  ہے کہ ایک سیکولر ذہن رکھنے والے ‘ الحاد پرست ‘ عیسائی ‘ بدھسٹ ‘ کمیونسٹ ‘ سکھ ‘ مسلمانوں کے سلسلہ میں کیا خیالات رکھیں گے۔ایک مرتبہ ذہن زہرآب ہوجائے تو پھر کس طرح سے ان کے ذہن اور نگاہ کو دوبارہ صاف ستھرا بنایا جائے ۔

ہماری ملی قائدین اور مذہبی پیشواؤں کی بھی بہت بڑی تساہلی شامل ہے ۔ ہمیشہ یہ کہہ کر عامۃ المسلمین  کو خاموش بٹھا رہے کہ حکمت کا تقاضہ ہے خاموش رہیں ۔ خاموش رہتے رہتے  صورت حال اتنی خراب ہوچکی ہے کہ اب کسی قائد ‘ رہنما اور مولانا میں اتنی ہمت نہیں  ہےکہ ان خطرناک فلموں کے خلاف آواز بلند کریں ۔ جمہوری ملک میں اپنے حقوق و تحفظ کے لئے جب آواز نہیں اٹھا سکتے ہیں  اور امت کے خواتین و لڑکیوں کو دوسروں کے رحم  و کرم پر ایسے ہی چھوڑدیں تو بہتر ہے کہ گمنامی کی زندگی گزاریں ‘ العنبانہ و دجانہ کا شکار افراد ہمارے لیڈر اور قائد نہیں بن سکتے ۔

Total No of Words: 1,899

  Release on : 07-05-2023